8-هل يمكن إعتبار الإلكترون....ثقب أسود كمى؟؟
بما إننا فى الأسئلة اللى فاتت إتكلمنا على الثقوب السوداء والمتفردات يبقى نختم موضوعها بهذا السؤال حتى نفهم أكثر!مبدئيا الإلكترون وجميع الجسيمات الأساسية تعتبر نقاط رياضية...يعنى ليس لها سطح أو حد!
وقلنا طبقا للنظرية النسبية لو فيه كتلة ضخمة جدا جدا كونت ثقب أسود...يكون هناك أفق حدث...ويكون هناك معرف فيزيائى اسمه نصف قطر شفارتزشيلد .....تمام
إنما نصف القطر ده ثلاثى الأبعاد يحيط بالثقب من جميع الإتجاهات..وقلنا الضوء نفسه لو دخل منطقة نصف قطر شفارتزشيلد لا يعود إلى حيث أتى...وطبقا للمعادلة المذكورة سابقا...كلما زادت كتلة الثقب...كلما زادت قيمة نصف قطر شفارتزشيلد!
بالنسبة للشمس القيمة تطلع 2.95 كيلومتر تقريبآ....طبعا لوكانت الشمس نصف قطرها 2.95 تبقى ثقب أسود!!...إنما كلنا عارفين إن نصف الشمس أكبر من ذلك آلاف المرات....علشان كده هى حاليا ليست ثقب أسود!!
تعالوا نحسبها بالنسبة للإلكترون...تطلع القيمة 1.35*10^51- متر
يعنى بالعربى كده لو كان نصف قطر الإلكترون يساوى القيمة دى!...يبقى ثقب أسود لامحالة!
الله طيب ما إحنا لسه قايلين إنه يعتبر نقطة رياضية!!...يعنى أبعاده صفرية!!
( يعنى أقل بكثير من القيمة المحسوبة لنصف قطر شفارتزشيلد)
هل معنى كده إنه ثقب أسود!!
بس فيه حاجة!!
هو مش الإلكترون بيتصرف كموجة حسب مبدأ...دى برولى!
طيب تعالوا نحسب طول موجة الإلكترون...أو نصف قطر كومبتون اللى إتكلمنا عليه قبل كده!
ده كده يعتبر كميا هو الحيز الذى يشغله الإلكترون فى مستوى العالم الكمى.
تعالوا نكتب كده صيغة كومبتون: h/mc
يبقى فى الكتل الكبيرة زى البشر والشمس!.....القيمة تكاد تكون صفر!!
علشان كده الشمس والبشر لا يمكن تكون لها خصائص كمية!!...يعنى ليس لها الطبيعة المزدوجة كما للجسيمات النووية!!!
بالنسبة للإلكترون نصف قطر كومبتون يطلع 2.42*10^12- متر
يعنى رقم أكبر بملايين المرات عن نصف قطر شفارتزشيلد!!
وإحنا قلنا فى المقالة اللى فاتت
لو نصف قطر كومبتون يساوى أو أكبر قليلا من نصف قطر شفارتزشيلد يبقى الجسم ثقب أسود!
يبقى إذن:
الإلكترون مستحيل يكون ثقب أسود!!!
ليست هناك تعليقات:
إرسال تعليق