ياترى معدل دوران الأرض حول نفسها ثابت ولا بيزيد ولا بيقل؟

1-ياترى معدل دوران الأرض حول نفسها
ثابت ولا بيزيد ولا بيقل؟

الإجابة ببساطة بيقل
لأنه أثناء دوران الأرض حول نفسها...ينتقل جزء من كم التحرك الزاوى لها..للقمر!!
وبالتالى سرعة دوران الأرض بتقل بمقدار ضئيل جدا جدا.
وبالتالى المسافة بين القمر والأرض بتزيد بالظبط 4سم كل سنة!

تعالوا نبسطها شوية
لو إحنا فى حلبة سباق خيول...وأنا راكب دراجة وبدور فى نفس الحلبة
ومعايا حبل طوقت به حصان ما...
حكتسب سرعة أعلى (بفرض إن الدراجة أبطأ)...
وسرعة الحصان حتتباطأ...
لو استبدلته الدراجة بالقمر...والحصان بالأرض..تبقى وضحت!

يبقى كده سرعة دوران الأرض حول نفسها بتقل..الأيام بتطول
وكمان سرعة دوران الأرض حول الشمس بتقل....الشهور بتطول

طيب إمتى التباطؤ ده يقف؟
حيقف لما طول الشهر يساوى بالظبط طول اليوم!!
زى كوكب الزهرة كده!

وده حيحصل إمتى؟
لما يبقى طول اليوم = طول الشهر=47 يوم بتوقيتنا الحالى!
طبعا ده نظريا يحصل بعد ملايين السنين...بفرض الأرض والشمس لسه موجودين!
ساعتها بقى...القمر حيكون بعد 135% من مسافته الحالية...

يبقى الناس اللى بتفسر فى الإعجاز العلمى...
لما نقرا الآية الكريمة (فإذا برق البصر ، و خسف القمر و جمع الشمس و القمر)
من فضلكم نفهم واحدة واحدة....
قلنا القمر حيبطل يبعد عن الأرض على بعد 135% من مسافته الحالية!

يبقى بذمتكم المقصود بالآية الكريمة...إن القمر حيذهب للشمس لإنه يبعد عنا 4 سم كل سنة!
طبعا غلط!
وألف غلط كمان!

أرجو أن يكون السؤال الأول خفيف الظل